Ymweld â digwyddiad Hwyl a Heini Ysgol Springwood

Roedd Cydlynydd Budd Cymunedol Sacyr UK, Jo O’Keefe, a’r Prentis Budd Cymunedol, Sam Rees, yn falch o allu ymuno â Robyn Marshall o Sphere Solutions i roi profiad addysgol i ddisgyblion yn Ysgol Gynradd Springwood yn Llanedern yn ystod eu digwyddiad Hwyl a Heini yn yr haf.

Roedd y sesiwn ddiddorol yn cyflwyno disgyblion i fyd peirianneg adeiladu trwy weithgaredd STEM hwyliog a hygyrch. Gan ddefnyddio dim ond ffyn a bandiau lastig, cafodd y disgyblion eu harwain i adeiladu tetrahedronau. Daethant i ddeall egwyddorion adeiladu yn fuan iawn cyn symud ymlaen yn frwdfrydig i greu modelau mwy o ran maint a mwy cymhleth.

Mae perthynas gydweithredol rhwng Sacyr UK a Sphere Solutions ers blynyddoedd, â Sphere Solutions yn cynorthwyo Sacyr UK â’r gwaith o adeiladu Canolfan Ganser newydd Felindre.

Mae’r gweithdy yn rhan o ymrwymiad ehangach Sacyr UK i addysg a datblygu sgiliau yn Ne Cymru, gan fod y cwmni ar hyn o bryd yn arwain y gwaith o adeiladu Canolfan Ganser newydd Felindre. Mae Sphere Solutions yn gweithio mewn cysylltiad agos â Sacyr UK fel is-gontractwr ar y prosiect gofal iechyd pwysig.