Adeiladu'r Dyfodol gyda Disgyblion Blwyddyn 3 Ysgol Gynradd Pantside

Treuliodd disgyblion o ysgol gynradd Pantside brynhawn adeiladol yn dysgu am fywyd ar safle adeiladu, a chawsant gyfle i weld Canolfan Ganser Newydd Felindre wrthi'n cael ei hadeiladu. Cynhaliodd y Cydlynydd Buddion Cymunedol, Joanne O'Keefe, wers am y creaduriaid niferus sy'n byw o amgylch y safle yn yr amgylchedd naturiol, a'r ymdrechion y mae Sacyr yn eu gwneud i'w gwarchod.

Gan wisgo eu cyfarpar diogelu personol, ac yn cario eu clipfyrddau, heriwyd y disgyblion i archwilio llwybr diogelwch y safle, gan nodi gwrthrychau cyffredin a ganfuwyd ar y safle a hefyd elfennau o'r bywyd gwyllt sydd o'i gwmpas.

Ar ôl cwblhau eu rhestr wirio, cafodd y disgyblion eu tywys 'nôl i'r ystafell ddosbarth i drafod yr hyn a welwyd ac i fwynhau cinio cwbl haeddiannol ar ôl ychydig oriau o ddysgu. Gadawodd y disgyblion y safle yn teimlo eu bod wedi dysgu rhywbeth ac wedi'u hysbrydoli gan yr hyn yr oeddent wedi'i weld, ac yn llawn cyffro i ddweud wrth eu ffrindiau am eu profiad cyntaf ar safle adeiladu.